• ३० असोज २०७५ मंगलबार/ Tuesday 10-16-2018
  • स्टुडियो टाईम : ०४:५४

३ वटा ट्रक चोरी गर्ने व्यक्ति पक्राउ

इलाका प्रहरी कार्यालय विर्तामोडले ३ वटा ट्रक चोरी गरेको आरोपमा एक व्यक्तिलाई पक्राउ गरेको छ ।  पक्राउ पर्नेमा पाँचथर साविक लालीखर्क गाउँ विकास समिती वडा नम्बर ३  हाल फिदिम नगरपालिका वडा नम्बर ३ बस्ने १९ बर्षिय रोशन श्रेष्ठ रहेका छन् । 
कवाडी पसल तथा ग्यारेजमा बिक्री गरी आर्थिक लाभ लिने उद्देश्यले श्रेष्ठले ट्रक चोरी गरेको प्रहरीको भनाई छ । चोरी भएका ३ वटै ट्रकहरु फेला पारिएको पनि इलाका प्रहरी कार्यालय विर्तामोडले जनाएको छ । 
गत भदौ ३० गते राती बिर्तामोड नगरपालिका वडा नम्बर ५ स्थित हर्कलाल  मार्गमा पार्किङ गरी राखेको सुजन श्रेष्ठको ना. ५ ख ४९८६ नम्बरको फुलबडी ट्रक चोरी भएको थियो । त्यस लगतै असोज २ गते राती बिर्तामोड नगरपालिका वडा नम्बर ५ स्थित एङ्ग्री वोइ होटल छेउमा पार्किङ गरी राखको दिल कुमार श्रेष्ठको ना. २ ख ५०८१ नम्बरको फुलबडी ट्रक पनि चोरी भएको उजुरी प्रहरीमा परेको थियो ।
घटना सेलाउन नपाउँदै असोज ९ गते रातको समयमा बिर्तामोड नगरपालिका वडा नम्बर ५ स्थित सुगम पेट्रोल पम्प नजिकमा पार्किङ गरी राखेको  मे. १ ख २६३८ नम्बरको जेनिस भट्टराईको ट्रक समेत चोरी भएको थियो ।


चोरी भएका ट्रकहरु मध्ये ना. ५ ख ४९८६ नम्बरको ट्रक विर्तामोड ५ बाट नै बरामद भएको थियो । ना. २ ख ५०८१ नम्बरको ट्रक सुनसरीको इटहरी तथा मे. १ ख २६३८ नम्बरको ट्रक पर्शाको विरगंज बाट बरामद भएको प्रहरीले जनाएको छ ।
ट्रक चोरी गर्ने मानिसको खोजतलास गर्ने क्रममा रोशन श्रेष्ठले चोरी गरी लगेको भन्ने स्पष्ट भएका कारण उनलाई पक्राउ गरिएको इलाका प्रहरी कार्यालय विर्तामोडका प्रहरी प्रमुख डिएसपी कृष्णप्रसाद कोइरालाले जानकारी दिए । श्रेष्ठलाई प्रहरीले असोज १४ गते बेलुका बिर्तामोड नगरपालिका वडा नम्बर ५ मा लुकीछिपी बसेको सुराक पाए पछि पक्राउ गरेको हो ।
यसैबिच घर पसलमा चोरीको प्रयास गर्ने अन्य दुई जनालाई पनि विर्तामोड प्रहरीले पक्राउ गरेको छ । चाड पर्वका लागि बिशेष सुरक्षा योजना बनाई गस्ती पेट्रोलिङमा परिचालन गरिएकोमा प्रहरी टोलीले उनिहरुलाई पक्राउ गरेको हो । 
गस्ती गर्दै जाने क्रममा असोज १४ गते राती साढे १२ बजे बिर्तामोड नगरपालिका वडा नम्बर ५ स्थित पुर्व पश्चिम राजमार्ग आसपासका बिभिन्न घर, दोकान तथा घुम्ति पसलहरुका सामानहरु चोरी गर्ने उद्देश्यले मानिसहरुको घरपसलमा अनधिकृत रुपमा प्रवेश गर्दै गरेको अवस्थामा झापा गौरीगंज ५ का १९ बर्षिय ओम प्रकाश यादव र बिर्तामोड ५ का सोही उमेरका सुरज राजबंशीलाई पक्राउ गरिएको कोइरालाले बताए । 
उनिहरुलाई मुलुकी फौजदारी अपराध संहिता ऐन २०७४ को परिच्छेद ५ अन्तर्गत सार्वजनिक हित, स्वास्थ्य, सुरक्षा, सुबिधा र नैतिकता बिरुद्धको कसुर दफा १ सय १८ बमोजिम थप अनुसन्धान भईरहेको उनले जानकारी दिए ।
 

प्रतिकृया दिनुहोस

मेचीनगर ३ को वडा कार्यालय उद्घाटन

# स्थानिय

२४ असोज, २०७५

मेचीनगर ।  मेचीनगर नगरपालिकाको वडानम्बर—३ को नवनिर्मित वडा कार्यालयको नगर उपप्रमुख मिना पोखरेल उप्रेतीले आज उद्घाटन गर्नुभएको छ । मेचीनगर

जीवन ज्योतिको ३ सय प्रतिशतले मुनाफा वृद्धि

# स्थानिय

२३ असोज, २०७५

धुालबारी ।  जीवन ज्योति बचत तथा ऋण सहकारी संस्था आर्थिक बर्ष २०७४÷७५ मा ३ सय ३७ प्रतिशतले मुनाफामा वृद्धि गर्न सफल भएको छ । स्थापनाको २ बर्ष सम्म

मेचीनगरमा एक महिनका लागि फुटपथमा व्यवसाय गर्न दिने 

# स्थानिय

२३ असोज, २०७५

मेचीनगर । नजिकिँदै गरेका चाडपर्वलाई लक्षित गरेर मेचीनगर नगरपालिकाले साना व्यवसायीलाई एक महिनाका लागि नगरपालिकाले तोकेको स्थानमा व्यवसाय गर्न दिने