• ५ माघ २०७५ शनिबार/ Saturday 1-19-2019
  • स्टुडियो टाईम : १२:१४

झापामा एक व्यक्तिको अपहरणपछि हत्या

झापामा कपडा व्यवसाय गर्दै आएका एक व्यक्तिको अपहरणपछि हत्या भएको छ । कमल गाउँपालिका–६ मंगलबारेका ३८ वर्षीय खेमराज पौडेलको अपहरणपछि हत्या भएको जिल्ला प्रहरी कार्यालय झापाका प्रहरी नायव उपरीक्षक जितेन्द्रकुमार बस्नेतले जानकारी दिए । 
उनका अनुसार हत्या गरी फालिएको पौडेलको शव गौरीगञ्ज गाउँपालिका–६ बाह्रदसीस्थित विनोद यादवको खेत नजिकै रहेको नालामा मंगलबार बिहान भेटिएको हो । मृतक पौडेलको घाँटी र टाउकोमा छुरा प्रहार गरिएको छ । 
घटनास्थलमा उनको मे ७ प १९०४ नम्बरको मोटरसाइकल, मोबाइल फोन र व्याग समेत फेला परेको छ । प्रहरीले हत्यामा संलग्न भएको आशंकामा गौरीगञ्जका सद्धाम हुसेनलाई पक्राउ गरेको छ । प्रहरीका अनुसार सोमबार बेलुका पौडेल र उनकी श्रीमती पसलको उधारो रकम उठाउन गौरीगञ्ज बजार पुगेका थिए । 
करिब ६ बजे पौडेलले श्रीमतीलाई खाजा पसलमा छाडेर मोटरसाइकलमा सद्धाम हुसेनलाई सँगै लिएर उधारो रकम उठाउन गएका थिए । सद्धामसँग ९० हजार रुपैयाँ उठाउनु रहेकाले गौरीजञ्ज गएको पौडेलकी श्रीमतीले बताएको प्रहरी उपरीक्षक बस्नेतले जानकारी दिए । 
सद्धामसँग गएका पौडेल राती अबेरसम्म नफर्किएपछि उनी अपहरणमा परेको भन्दै श्रीमतीले इलाका प्रहरी कार्यालय गौरीगञ्जमा जानकारी गराएकी थिइन् । अपहरणमा परेको सूचना पाएलगतै प्रहरीले उनको खोजतलास सुरु गरे पनि हत्या गरिएको अवस्थामा मंगलबार बिहान मात्र फेला पारेको बस्नेतले बताए । 
 

प्रतिकृया दिनुहोस

झापा कारागारमा बन्दी ब्रेन मास्टर सिजन २

# स्थानिय

२० पौष, २०७५

चन्द्रगढी ।  बन्दी विकास पुस्तकालय झापा कारागारको आयोजनामा “समृद्ध नेपाल निर्माणको अभियानमा अपराधलाई अन्त्य गरौँ” भन्ने नाराका साथ “बन्दी

झापामा युनिकम नेपालको विधागत संगठन निर्माण

# स्थानिय

१६ पौष, २०७५

  नेपाल व्यापार कर्मचारी संघ युनिकम नेपालले झापामा विधागत संगठन निर्माणलाइ प्राथमिकता दिएको छ । युनिकम नेपाल अन्तर्गत वितरक कर्मचारी युनियन

महाअभियानको पहिलो चरणमा २० लाख बढी बचत 

# स्थानिय

१० मङ्सिर, २०७५

सडक दुर्घटना न्यूनीकरण महाअभियान अन्तर्गत पहिलो चरणमा सम्पन्न कार्यक्रम बाट २० लाख ६० हजार भन्दा बढी बचत भएको छ ।  विर्तामोडमा एक कार्यक्रमको