• ६ असोज २०७५ शनिबार/ Saturday 9-22-2018
  • स्टुडियो टाईम : ०३:२६

मेचीनगरको १ अर्ब १४ करोड बढीको बजेट सार्वजनिक

काकरभिट्टा । 
मेचीनगर नगरपालिकाले १ अर्ब १४ करोड ९६ लाख ५६ हजार ९ सय ३० रुपैँया बराबरको बजेट सार्वजनिक गरेको छ । काकरभिट्टा खानेपानीको सभाहलमा आयोजित एक कार्यक्रमका बीच प्रदेश सांसद श्री प्रसाद मैनाली, नगरप्रमुख विमल आचार्य र उपप्रमुख मिना उप्रेतीले आर्थिक बर्ष २०७५÷७६ को बजेट सार्वजनिक गर्नुभयो ।

बजेट सार्वजनिक गर्दै नगरप्रमुख आचार्यले चालु खर्च तर्फ १३ करोड ८८ लाख र पुँजीगत खर्च तर्फ ४१ करोड २० लाख ६९ हजार ४ सय १५ रुपैँया गरी १ अर्ब १४ करोड ९६ लाख ५६ हजार ९ सय ३० रुपैँया बराबरको बजेट ल्याइएको जानकारी दिनुभयो । जसमा नगर स्तरीय कार्यक्रममा चालु खर्च तर्फ १३ करोड १३ लाख रुपैँया र पूँजीगत खर्च तर्फ २७ करोड ५६ लाख १० हजार ९ सय ३० गरी ४० करोड ६९ लाख १० हजार ९ सय ३० रुपैँया विनियोजन गरिएको छ ।

त्यसैगरी वडा स्तरीय कार्यक्रममा चालू खर्च तर्फ ४५ लाख र पूँजिगत खर्च तर्फ १२ कारोड ६४ लाख ४६ हजार गरी कुल १३ करोड ९ लाख ४६ हजार रुपैँया विनियोजन गरिएको नगरप्रमुख आचार्यले बताउनुभयो । त्यसैगरी विषयगत शशर्त अनुदान २८ करोड ८० लाख, बैदेशिक सहयोग ३ लाख, ऋणको साँवाव्याज भुक्तानी १ करोड ३० लाख, समपूरक कोषमा २ करोड ५ लाख र सामाजिक सुरक्षा भत्ता तर्फ २९ करोड रुपैँया विनियोजन गरिएको छ ।

मेचीनगरमा यसै आर्थिक बर्षबाट केही नगर गौरवका आयोजनाहरु शुभारम्भ गरिने पनि बजेट नीति तथा कार्यक्रममा जनाइएको छ । साइन्स पार्क, बहुआयमिक सङ्ग्राहालय, फुटवल र क्रिकेटका लागि रंगशाला, जनता आवाज योजना जस्ता नगर गौरवका आयोजनाहरु यसै आर्थिक बर्षबाट अघि बढ्ने जनाइएको हो ।

त्यसैगरी कृषि, पशुपालन, मत्स्यपालन, चक्लावन्दी खेति, कृषि सहकारी तथा समूहसँग साझेदारी कार्यक्रम, सिंचाईका लागि डिपवोरिङ जस्ता कार्यक्रमका साथै औद्योगिक प्रदर्शनी केन्द्र निर्माण गर्न विस्तृत आयोजना प्रतिवेदन (डिपिआर) निर्माण गर्ने लगायतका कार्यहरु पनि यसै आर्थिक बर्षबाट सुरुवात गरिने बजेट नीति तथा कार्यक्रममा जनाइएको छ ।

त्यस्तै वातावरण मैत्री आधुनिक प्रविधिबाट सेनेटरी ल्याण्डफिल्ड साइडको निर्माण गर्न यसै आर्थिक बर्षमा डिपिआर तयार गर्ने नगरप्रमुख आचार्यले बताउनुभयो । 
 

प्रतिकृया दिनुहोस

विर्तामोड नगरलाई विषादी मुक्त बनाउने दिर्घकालिन योजना

# स्थानिय

२ असोज, २०७५

नगरलाई विषादी मुक्त बनाउने दिर्घकालिन योजना अन्तरगत विर्तामोड नगरपालिकाले नगरवासीलाई निशुल्क निमका विरुवा वितरण गरेको छ । पछिल्लो समय रसायनिक

लागु औषध सहित ४ जना पक्राउ

# स्थानिय

१ असोज, २०७५

झापाको विर्तामोड बाट प्रहरीले लागु औषध सहित ४ जनालाई पक्राउ गरेको छ । प्रहरीले १४ ग्राम लागु औषध ब्राउन सुगर साथमा रहेको अवस्थामा १ भारतिय नागरिक

८ बर्ष वित्यो, पुल अझै बनेन

# स्थानिय

२६ भदौ, २०७५

८ वर्षअघि झापा धाइजनको हडिया खोलामा दुई किलोमिटर वरपर एकैपटक दुइटा पुल निर्माण सुरु भए । एउटा पुलले तत्कालीन धाइजन २ (मेचीनगर ११) मंगलीबाट धुलाबारी